Wednesday, 19 December 2018

ভাল পাওঁ

ভাল পাওঁ আকাশৰ মেঘৰ ধেমালি, 
বেলিৰ লগত থাকে লুকাভাকু খেলি।

ভাল পাওঁ পথাৰৰ ৰং সেউজীয়া, 
ধাননি কপাই বোৱা বতাহ বলিয়া।
ভাল পাওঁ পুৱতিৰ কোমল ৰ'দালি,
দেখা দিয়া কুঁৱলিৰ বগা জাল ফালি।
ভাল পাওঁ মাক মোৰ অতি মৰমৰ, 

ওলট-পালট



এক আছিল বুঢ়া বুঢ়ী

নাছিল সিহঁতৰ লৰা-লুৰি

কথাই কথাই এদিন দুয়োৰে

লাগি গল বৰ হুৰাহুৰি।


Friday, 14 December 2018

আদিকথা

কপিৰাইট  (স্বত্ত্বাধিকাৰ) বিলোপ হোৱা পুৰণি অসমীয়া কবিতাসমুহ ইউনিক'ড মানেৰে ইণ্টাৰনেটৰ যোগেদি উপলব্ধ কৰোৱাৰ ই আমাৰ এক নিঃকিন প্ৰচেষ্টা। আমাৰ জ্ঞান-বুদ্ধি মতে ইয়াত দিয়া সকলো পদ্য বা কবিতাৰে স্বত্ত্বাধিকাৰ ইতিমধ্যে বিলোপ হৈছে, তথাপিও ভুল ৰৈ যোৱাৰ সম্ভাৱনা নোহোৱা নহয়। ইয়াৰ বাবে আমাৰ উদ্দেশ্য নহয়, আচলতে এই কবিতা বিলাকৰ সম্বন্ধে সহজে উপলব্ধ তথ্যহে দায়ী। এই কাম কোনো ব্যৱসায়িক উদ্দেশ্যেৰে কৰা  হোৱা নাই, কেৱল প্ৰাচীন অসমীয়া সাহিত্যৰ প্ৰতি অকৃত্ৰিম অনুৰাগ আৰু ইয়াৰ সংৰক্ষণ তথা সম্প্ৰসাৰণৰ প্ৰতি থকা দ্বায়বদ্ধতাহে ইয়াৰ মূল চালিকা শক্তি।
 

তথাপি আমি কোনো ভুল তথা বে-আইনী কাৰ্যক সমৰ্থন কৰিব বিছৰা নাই। যদি কোনো পাঠকৰ হাতত ইয়াত দিয়া কবিতাসমূহৰ স্বত্ত্বাধিকাৰ উলংঘন সম্পৰ্কে কিবা নিৰ্ভৰযোগ্য তথ্য হাতত আছে, তেন্তে আমাৰ অনুৰোধ, যাতে অনতিপলমে মন্তব্য আকাৰে কবিতাটোৰ তলতে জনায়। সত্য তথ্য তথা মতামতক যথাযোগ্য সন্মানেৰে গ্ৰহণ কৰাৰ লগতে উপযুক্ত ব্যৱস্থা লোৱা হব।

 কবিতাবিলাকত বানান বা বৰ্ণ সঞ্চয়ন মূল চপা প্ৰকাশৰ আলমতে ৰখা হৈছে, কোনো সম্পাদনা বা শুধৰণি কৰা হোৱা নাই।

আপুনিও যদি এই প্ৰচেষ্টাত অংশগ্ৰহণ কৰিব বিছাৰে, অনুগ্ৰহ কৰি আমাৰ লগত যোগাযোগ কৰক।

চিৰ চেনেহী মোৰ ভাষা জননী

আমি অসমীয়া নহও দুখীয়া কিহৰ দুখীয়া হম,
সকলো আছিল, সকলো আছে, নুশুনো নলও গম ॥

Wednesday, 29 June 2016

সুখৰ ঠাই

কবিঃ আনন্দচন্দ্ৰ আগৰৱালা

শুনিছো সুখৰ ঠাই তোমাৰ মুখত
কোৱা আই! সেই ঠাই আছে বাৰু ক’ত?
কোৱা সি জেউতি ভৰা দেশ ক’ত বাৰু?
আমিনি বিছাৰি তাক নেপাম নে আৰু?
কমলাৰ ফুল য’ত অলেখ ফুলিছে,
গছৰ ডালৰ মাজে জোনাকী নাচিছে,
তাতে নেসুখৰ ঠাই কোৱা মোক আই?

- নহয় নহয় তাত সাদৰী সোণাই।

Saturday, 25 June 2016

মৰমৰ আই



কোনে মোক তুলি -তালি কৰিলে ডাঙৰ
মৌসনা মিঠা মাতে পাহৰি ভাগৰ ,
কৰিছিল স্নেহ মোক দুগালত চুমা খাই
-তেৱেঁ মোৰ পূজনীয়া মৰমৰ আই।


Thursday, 16 June 2016

ভাল পাঁও

ভাল পাঁও আকাশৰ মেঘৰ ধেমালী,
বেলিৰ লগত থাকে লুকা ভাকু খেলি
ভাল পাঁও পথাৰৰ ৰং সেউজীয়া,
ধাননি কঁপাই বোৱা বতাহ বলিয়া।

Monday, 30 May 2016

তোমালৈ


কবিঃ- ভগৱতী প্ৰসাদ বৰুৱা

গোলাপৰ কোমল কোলাত
নিয়ৰৰ একণি টোপাল,
নীৰৱতে পাহি মেল খায়,
সকলোটি নিমাত-নিটাল।