নীতি সপ্তক

কবিঃ- ৰমেশচন্দ্ৰ দেৱশৰ্মা

সহজে তুষিব পাৰি মুৰুখৰ মন,

আৰু সহজতে তুষ্ট হয় জ্ঞানীজন।

অল্প জ্ঞান লাভ কৰি দুৰ্বিদগ্ধ জনে,

ব্ৰহ্মাৰ কথাটো জানা সন্তোষ নেমানে।

জলেৰে কৰিব পাৰি অগ্নিৰ বাৰণ,

ছত্ৰেৰে ৰ’দৰ তাপ হয় নিবাৰণ।

মদমত্ত হাতী বশ তীক্ষ্ন অঙ্কুশত,

লাঠিত বাৰণ হয় আৰু গাধ যত।

ঔষধত ৰোগ ব্যধি হয় নিবাৰণ,

বিবিধ মন্ত্ৰৰ বলে বিষ বিনাশণ।

শাস্ত্ৰোক্ত ঔষধ আছে সৱ বিষয়ৰে,

মূৰ্খৰ ঔষধ নাই সংসাৰ ভিতৰে।