Thursday, 16 June 2016

ভাল পাঁও

ভাল পাঁও আকাশৰ মেঘৰ ধেমালী,
বেলিৰ লগত থাকে লুকা ভাকু খেলি
ভাল পাঁও পথাৰৰ ৰং সেউজীয়া,
ধাননি কঁপাই বোৱা বতাহ বলিয়া।

ভাল পাঁও পুৱতীৰ কোমল ৰ’দালি,
দেখা দিয়া কুঁৱলীৰ বগা জাল ফালি।
ভাল পাঁও মাক মোৰ অতি মৰমৰ,
মোৰ বাবে যাৰ নাই চিন ভাগৰৰ।
ভাল পাঁও দেউতাৰ স্নেহ সনা মুখ
মোৰ বাবে তেও সহে কিমান যে দুখ।
ভাল পাঁও সমনীয়া লগৰীয়া বোৰ,
যাৰ বাবে নাই কাম আৰু ধেমালীৰ ওৰ।
ভাল পাঁও মোৰ দেশ যত উপজিলোঁ,
য’ৰ ধূলি মাটিৰেই জীৱন গঢ়িলোঁ।
ভাল পোৱা বস্তু ভৰা এই যে পৃথিৱী,
কোনেনো স্ৰজিলে বাৰু, তাকে থাকোঁ ভাৱি।


বি. দ্ৰ. :- দীপমণি শইকীয়া আৰু তেওৰ বন্ধুসকললৈ ধন্যবাদেৰে

2 comments:

  1. সুন্দৰ সংগ্ৰহ। প্ৰশংসনীয়।

    ReplyDelete
  2. নষ্টালজিক হৈ পৰিলো

    ReplyDelete