Saturday, 25 June 2016

মৰমৰ আই



কোনে মোক তুলি -তালি কৰিলে ডাঙৰ
মৌসনা মিঠা মাতে পাহৰি ভাগৰ ,
কৰিছিল স্নেহ মোক দুগালত চুমা খাই
-তেৱেঁ মোৰ পূজনীয়া মৰমৰ আই।



চেনেহৰ চকুপানী ধাৰেৰে বোৱাই কোনে 
মোক ৰাখিছিল বুকুত শুৱাই;
টোপনিত লালকাল মুখখনি চাই
-তেৱেঁ মোৰ পূজনীয়া মৰমৰ আই।


কান্দিছিলো যেবে নৰিয়াত দুখ পাই ;
একেথিৰে কোনে মোৰ মুখলৈ চাই ,
মৰো বুলি কান্দিছিল কাঢ়ি হুমুনিয়া
-তেৱেঁ মোৰ পূজনীয়া মৰমৰ আই।



হইছিলো থিয় যেৱে অত তত ধৰি
পৰিলেনো কোনে গই ততালিকে লৰি ;
নিচুকাইছিল মোক নাম গুণ গাই
-তেৱেঁ মোৰ পূজনীয়া মৰমৰ আই।

3 comments:

  1. Replies
    1. মূল বানান শৈলী ৰখাৰ চেষ্টা কৰা হৈছে। তথাপি কিবা থাকি গ'লে নিৰ্দিষ্টকৈ দেখুৱাই দিয়ে যেন

      Delete