কবিঃ- মোছলেহ-
উদ্দিন আহমদ
নিচেই এধানি হিয়া
প্ৰভূ মোৰ
নিচেই এধানি হিয়া,
তোমাৰ চেনেহ কৰুণা
বৰষি
ডাঙৰ হবলৈ দিয়া;
প্ৰভূ, ডাঙৰ হবলৈ দিয়া।
লোকৰ দুখত দুখী
হবলৈ
পমোৱা কোমল হিয়া,
অন্তৰৰ পৰা কুৰ্চুট
কপট
নিয়া আঁতৰাই নিয়া;
প্ৰভূ, নিয়া আঁতৰাই নিয়া।
মনৰ মাজত অজ্ঞান আন্ধাৰ
তেনেই গুচাই দিয়া,
তোমাৰ জেউতি জ্বলক
হিয়াত
পোহৰ হবলৈ দিয়া,
প্ৰভু পোহৰ হবলৈ দিয়া।
No comments:
Post a Comment