মেলিলোঁ প্ৰথম চকু তোমাৰ কোলাতে আই
জনমৰ আদিম পূৱাত;
মুদিম আকৌ চকু তোমাৰ কোলাতে শুই
জীৱনৰ শেষ সন্ধিয়াত।
মৰাৰ পিছতো যেন পাঁওহি আকৌ ঠাই
চেনেহৰ শীতলী কোলাত;
ভাগৰুৱা আতমাই শেষৰ জিৰণি লৈ
জিৰাবহি তোমাৰ ছাঁয়াত।
________________________________________
পখী হৈ আকাশৰ বুকুত ফুৰিম উৰি,
বাঁহ লম ওখ বিৰিখত;
পূৱতিৰ লগে লগে জগাম তোমাক নিতে
বনৰীয়া সুৱদী গীতত।
আকাশৰ তৰাহৈ ৰ লাগি চাম ৰৈ
সেউজীয়া শুৱনি জেউতি,
জোনাকত মিল হৈ বিমান পথত ৰৈ
ওৰে ৰাতি কৰিম আৰতি।
হিমালয় পৰ্বতৰ শুকুলা টিঙত গৈ
ফুলি ৰম মানসী বিলত;
মলয়াৰ চোঁৱৰত পাৰিজাত ৰেণু সানি
ঢুলাম তোমাৰ চৰণত।
নদী হৈ পখালিম দুখানি চৰণ নিতে,
মাটি হৈ মিলিম বুকুত,
সোণোৱালী মেঘ হৈ ৰঙা হাঁহি বিৰিঙাম
শেঁতা পৰা দুখনি ওঁঠত।
তোমাৰেই ধূলি বালি তোমাৰ আকাশ বায়ু
আই মোৰ সৰগত বাস;
তুমি মোৰ মৰতৰ পূণ্য মুকুতিৰ ভূমি
তুমি মোৰ তীৰ্থৰ প্ৰভাস।
অ' মোৰ চেনেহী দেশ তোমাৰ দুখীয়া পঁজা
ৰচা তাত শান্তিৰ স্বৰগ;
ক'ত পাম এনে প্ৰতি সৰল প্ৰাণৰ ভাষা
সেৱাৰ মহিমাময় ত্যাগ।
দুখীয়াৰ ভগা পঁজা একেোখনি তীৰ্থ তাত
একেখনি পূণ্যৰ আশ্ৰম;
মৰিলে পুণৰ আহি দুখীয়া দেশতে মোৰ
লও যেন পুণৰ জনম।
বৰ ধূনীয়া কবিতা। স্কুলৰ পাঠ্যপুথিত সৰুতেই পাইছিলো যদিও যেতিয়াই পঢ়ো কিবা নতুন যেন লাগে।
ReplyDeleteবৰ ধুনীয়া কবিতা. পঢ়ি বৰ ভাল লাগিল কিন্তু কোন শ্রেণীত পাইছিলো মৱত নাই |
ReplyDeleteClass VII
Deleteঅসমীয়া সাহিত্যৰ এক আপুৰুগীয়া সুন্দৰ কবিতা ।
ReplyDeleteস্বদেশপ্ৰেম আৰু ভগৱৎ প্ৰেমৰ অটল অনুৰাগ ফুটি উঠিছে কবিতাটিৰ মাজেদি, বৰ ভাল লাগে।
ReplyDeleteClass VII
Deleteইমান সুনদৰ কবিতা কবি্য়ে জনমভূমিক কিমান ভাল
ReplyDeleteপাই তাক প্ৰকাশ কৰিছে প্ৰক্ৃতি মাধ্যমেৰে.।কবি্য়ে
সময়ত নদী বতাহ হবলৈও আশা কৰিছে যাতে তাৰ
মাজে্দি্য়েই জননীক সেৱা কৰিব পাৰে। সেয়া কবিৰ দেশ প্ৰেম
সাৰাংশ খিনি লিখিদিলে ছাত্ৰ ছাত্ৰী বহুত উপকৃত হলে হেতেন ।
Deleteবানান বহু ভুল আছে
ReplyDeleteকবিতাটোৰ মূলভাৱখিনি বুজাই লিখি দিলে উপক্ৰিত হ'ব
ReplyDeleteকবিতাটোৰ সাৰাংশ খিনি দিয়া হলে উপকৃত হলো হয়
ReplyDeleteজনমভূমি কবিতাৰ সাৰাংশটো দিয়া হলে ভাল আছিল ।
ReplyDeleteসৰু থাকোতেই পঢ়িছিলো
ReplyDeleteজনমভূমিৰ সমাৰ্থক শব্দ দুটা কি কি হব
ReplyDeleteসঁচাকৈ, কি শিক্ষা আছিল আমাৰ সময়ত ৷ আজিৰ শিক্ষা কি ? এইবোৰ কিমান মহত্ত্বপূৰ্ণ কিমান ৰসাল কবিতাৰ সম্ভাৰ আছিল ৷ এটাতকৈ আনটো আকৰ্ষণীয় ৷ পঢ়াৰ মজাই বেলেগ আছিল ৷
ReplyDeleteXossa kotha
Deleteহ
ReplyDeleteজনমভূমি কবিতাটোৰ সাৰাংশ - Click Here
ReplyDeleteThis comment has been removed by the author.
ReplyDeleteRead the complete Janambhumi Assamese Poem summary, explanation, question answers, and important notes for students.
ReplyDelete