মুনিচুনি বেলি

কবিঃ- মফিজুদ্দিন আহমদ হাজৰিকা

গধূলি হইছে                    মলয়া বইছে

বেলিটি গইছে বুৰি;

সোণালী বৰণে                         পৰি হাবি-বনে

চমকে পৃথিৱী জুৰি।

ৰঙালী  ছবিটি                 বুকুৰে সাৱটি

নাচিছে ডিবুৰু নই;

জপনা জাপিছে                ৰখীয়া চাপিছে

দমৰা-দামুৰী লই।

দিনকণা

কবিঃ —মৌলৱী মফিজুদ্দিন আহমদ হাজৰিকা

হেৰা, হেৰা, হাটৰুৱা, মৰমৰ ভাইহঁত,

নেৰিবা, নেৰিবা মোক এই মায়া-বজাৰত ।

দুহাত যুৰিছোঁ মই কাবউ-কাকূতি কৰি;

অকলে নেৰিবা মোক আলাই-আথানি কৰি।