কাৰ সমান কি নাই?

কবিঃ- বলদেৱ মহন্ত

সাপৰ সমান খং কাৰো নাই নাই

হিমালয় সম গিৰি পৃথিৱীত নাই।

দ্বীপমধ্যে অষ্ট্ৰেলিয়া সবাতোকৈ বৰ,

সাগৰৰ বৰ নাই প্ৰশান্তৰ পৰ।

কাৰ সুখ নাই

কবিঃ- বলদেৱ মহন্ত

সুখ নাই সুখ নাই ক'তো ধৰুৱাৰ,

অনুমাত্ৰ সুখ নাই চিৰ ৰূগীয়াৰ।

সুখ নাই যিটো সদা গোচৰত ফুৰে,

মাতৃৰ অসুখ যদি পুত্ৰ থাকে দূৰে।

কেতিয়া কাক চিনি

কবিঃ- বলদেৱ মহন্ত

বজালেই কাঁহ-পাত্ৰ ভগা ভাল চিনি;

সাক্ষী ক'লে চিনি লোক কত দূৰ জ্ঞানী।

ভল কৰি চিনি পায় বিবাহৰ পৰে;

পিতা-মাতা প্ৰতি ভক্তি পুত্ৰে কেনে কৰে।

গুণী পুত্ৰ

কবিঃ- বলদেৱ মহন্ত

মূৰ্খ পুত্ৰ হয় যদি এশ বা হাজাৰ;

সিহঁতৰ পৰা নাই একো উপকাৰ ৷

যেনে শস্য-ক্ষেত্ৰে জন্মি বনৰীয়া বন;

কৃষকৰ অপকাৰ কৰে অগণন ৷