পছোৱাৰ ডাক

কবিঃ- প্ৰসন্নলাল চৌধুৰী

পছোৱাৰ আগে দিছে ডাক ।

             ৰক্তপত্র দল উৰুৱাই

                        প্রমত্ত দুৰ্বাৰ !

জাগ জাগ যৌৱনৰ উগ্ৰ ৰক্ত ৰাগ

            জগত জীপাল কৰা সাৰ ।

নবযুগ সৃষ্টিকাৰী জাগিছে নতুন জুপিটাৰ,

তই সঙ্গী বজনখী হিংস্র ঈগলৰ দল

            তমোৰাশি কৰা বহিষ্কাৰ

                        তীব্র দৃষ্টি মুক্ত পক্ষ ফালি ফুৰা

                                    ব্যোম পাৰাবাৰ ।

 

বিদ্রোহী

কবিঃ-প্ৰসন্নলাল চৌধুৰী

            বন্ধকাৰাৰ অন্ধকাৰত

            জুই লই কৰোঁ খেল

মৃত্যু মেঘৰ নৃত্য সভাত

পাতো জীৱনৰ গুপ্ত মেল।