এটা দুষ্ট ল'ৰা

 

(১)

ধনী এটা অতি		টটা টিঙা লৰা,
দুষ্টালি কামত		সৱাতোকৈ চৰা।
লিখা-পঢ়া ফালে		এফেৰিকে নাই,
যাৰে তাৰে কৰে		দন্দ আৰু হাই।

(২)

ঘৰে পৰে তাক		ভাল বোলা নাই,
সকলোৰে মাথোঁ		গৰিহণা খায়।
দুষ্টালিৰ পৰা		কি হ'ল পাচত,
কওঁচোন বাৰু		শুনা বোপাহঁত !

 

(৩)

ধনীয়ে এদিন		ভেঙুচালি কৰি,
কণা এজনৰ		লাখুটিত ধৰি
টান মাৰোঁতেই		পালে মাধমাৰ,
একে মাৰে হাত		ভাগি গ'ল তাৰ ৷
তাৰে পৰা ধনী		নিৰ্জু লৰা হল,
দুষ্টালি সোপাই		কেনিবাদি গ'ল ।
এই দৰে যিটো		দুষ্ট লৰা হয়,
কেতিয়াবা ফল		পাব সি নিশ্চয়।
হেন জানি বোপা !		দুষ্ট নোবোলাবা,
সেয়ে হ'লে বেথা		য'তে ত'তে পাবা।